Македонскиот краткометражен анимиран филм „Неми филмови“ на режисерот Крсте Господиновски ја освои главната награда за анимација на Timimoun International Short Film Festival, одржан од 5 до 10 ноември во Алжир. На овој успех му претходат и нови меѓународни признанија:
▪︎ Специјално признание за најдобра кинематографија на CRAFT International Animation Festival во Индонезија.
▪︎ Специјално признание во програмата „Мајстори“ на Primanima во Унгарија.
▪︎ Признанието „Wreath of the Apedemak Brazil Tour“ во рамките на Sudan International Animation Film Festival.

Раскажан во еден непрекинат кадар, филмот носи приказна за татко и син, за приврзаноста кон минатото и неизбежноста на промените. Со повеќе од 60 фестивалски учества и 20 награди, „Неми филмови“ продолжува успешно да ја претставува македонската анимација во светот. Честитки до Крсте Господиновски и до целата филмска екипа.
