Композиција TIME на македонскиот композитор Никола Мицевски, влезе во финалето наWorld Music на InterContinental Music Awards во категорија World Music.
„Навистина сум среќен што мојата композиција влезе во конкуренција на многу композиции и музика од целиот свет. TIME е универзална музика со нота на македонска карактеристика и дух и сум посебно горд и среќен заради тоа“, истакнува Мицевски.
Овој натпревар е вистинска можност музиката на секој артист да се слушне насекаде во светот.
За Мицевски музиката е неговиот живот. Веќе повеќе години живее и работи во Скопје и соработува со многу музички имиња, меѓу кои Каролина Гочева, Дани Димитровска, Дамјан Пејчиноски, Исмаил Лумановски, Next time и др. Тој се смета за еден од најталентираните композитори кај нас чии музички дела зборуваат самите за себе. Во 2023, го издава првиот студиски албум New Era од којшто излегуваат три сингла: „Circle“, „Time“ и „Impulse“.
