Првенецот на МНТ, Игор Џамбазов е годинашен добитник на наградата „Васил Иљоски“ за особен придонес во театарската уметност, која ја доделува Меѓународниот театарски фестивал „Денови на комедија“ во Куманово. Неговата исклучителна актерска дарба, неповторливиот хумор и повеќедеценискиот придонес во театарската и културната уметност оставија неизбришлива трага кај публиката и заслужено го вбројуваат меѓу најголемите имиња на македонската комедија.
Свеченото врачување на наградата ќе се одржи на 23 септември 2026 година, на отворањето на фестивалот.
Првенецот на МНТ, Игор Џамбазов – добитник на наградата „Васил Иљоски“
