Во малата сала на Центарот за култура, најмладите отпатуваа во Кина…не со авион, туку со музика. Работилницата „Магично музичко патување низ 24-те сончеви периоди“, предводена од музичарите на Ningbo Symphony Orchestra, им овозможи на децата да ја запознаат една древна традиција преку звуци, приказни и непосредна комуникација со уметниците.
Токму ваквите средби се вистинската вредност на „Илинденски денови“ кога различните култури се запознаваат, учат една од друга и создаваат нови точки на поврзување. Уметниците од Кина одржаа инспиративното утро исполнето со музика, љубопитност и детски насмевки.
фото | Диоген Хаџи Коста Милевски
