Претставата „Бегалка“ од Васил Иљоски, на театарот Антон Панов од Струмица, во режија на Дамјан Димовски, беше изведена во рамките на „БИТ ФЕСТ“ 2026, во Центарот за култура – Битола. Што значи да се избере сопствениот пат? „Бегалка“ ја отвора токму таа дилема – помеѓу традицијата што нè обликува и личната слобода што нè повикува.
Низ препознатливи ликови, хумор и силна емоција, ова безвременско дело на Васил Иљоски зборува за судирот меѓу желбите на поединецот и правилата на средината.
Сценографијата и костимите се дело на Благој Мицевски, а музиката е на Александар Димовски. Дизајн на плакат и рекламен материјал Ване Костуранов. Во претставата настапуваат Стојан Велков – Трн, Танкица Стојанова, Анкица Бенинова, Јасмина Вучкова, Васка Ангелова, Михаил Велков и Игор Тодоров. Изведбата заврши со долг аплауз од публиката – знак дека „Бегалка“ допре до присутните и ја оствари својата театарска мисија.
Претставата достојно го претстави Театар „Антон Панов“ – Струмица на БИТ ФЕСТ 2026, оставајќи силен впечаток со својата актерска игра, емоција и сценска искреност.
Фото: Сашо Ставрев
