Започнува проектот „Симфонија на петте: звуците на Офицерски“

Проектот „Симфонија на петте: звуците на Офицерски“ кој претставува  уникатна интердисциплинарна иницијатива која има за цел да го отвори креативниот процес пред очите на јавноста, започнува на 11.05 и ќе трае до 31.05. Наместо во затворени кабинети, уметноста ќе се создава во алтернативниот галериски простор на КИЦ Битола, претворајќи го во „Живо атеље“. Во период од три недели, 20 талентирани ученици ќе творат директно во галеријата, демистифицирајќи го патот од првата скица до завршеното дело. Акцентот е ставен на решавање на ликовните предизвици во реално време, поддржано од стручно менторство.
Проектот поттикнува соработка и заедничко творештво, изнесувајќи ја едукацијата во јавната сфера.

Оваа иницијатива претставува ретка можност за публиката да биде сведок на „раѓањето“ на
уметноста, истовремено нудејќи им на младите автори професионална платформа за развој и изложбена дејност.