Во рамки на програмата „Македонски филм. На големо платно“, публиката ќе има можност бесплатно да го погледне „Трето полувреме“ – историска филмска приказна инспирирана од вистински настани. Приказната е раскажана од перспектива на Ребека Коен, која по седум децении се враќа во Скопје и се навраќа на годините од својата младост. Во центарот се нејзината љубов со фудбалерот Коста, судбината на Евреите од Македонија за време на холокаустот и приказната за фудбалскиот клуб „Македонија“, предводен од германскиот тренер со еврејско потекло Рудолф Шпиц. Филмот ги испреплетува љубовта, фудбалот и историските превирања на Втората светска војна, во приказна за изборите, загубите, отпорот и надежта. Улоги: Катарина Ивановска, Сашко Коцев, Раде Шербеџија, Рихард Самел, Игор Ангелов, Митко Апостоловски, Тони Михајловски, Оливер Митковски, Верица Недеска и други.
„ТРЕТО ПОЛУВРЕМЕ“ на Дарко Митревски наскоро во Cineplexx во Скопје
