Лоциран во старо складиште на историската железничка станица на Битола, далеку од метежот на градот, Клубот Јагода од својот старт одржа лекција што значи да се пренамени напуштен простор и да му се даде концепт на суровиот, индустриски шарм од стартот на минатиот век со ново живо срце на електронска музичка сцена.
„Радосни сме што Клубот Јагода ја прифати нашата покана да биде дел од Битола Отворен Град со организирање на журка на зајдосонце која ќе биде истовремено маркет на креативните индустрии“, истакнуваат од БОГ.
Креативци од различни дисциплини ја прикажаа својата работа, претворајќи го просторот во динамична галерија. Од впечатлива визуелна уметност до моден дизајн и на новите и на етаблираните творци. SUNSET VIBES во КЛУБ ЈАГОДА со DJ-set на артистката од Белград, Србија DJ BAJ:NO – со настан посветен на креативните индустрии се случи во Битола.
Спој на уметност, дизајн и иновации додека креативците и некои стартапи од областа на дизајнот и модата ги прикажуваат своите колекции. Од визуелни уметности ставени на аксесоари и маици до рециклирани предмети кои наоѓаат примена во секој дом во кој живеат естети. Овој настан го истакна потенцијалот и различноста во креативниот сектор кај нас. Клубот Јагода беше повеќе од само фестивалска точка – тој има потенцијал оваа идеја да ја продолжи за моќта на креативноста да го трансформира просторот често и да ги поврзе дизајнерите, уметниците и сите оние кои се занимаваат со рачни изработки.
фото | Диоген Хаџи Коста Милевски
