Битолскиот Камерен оркестар :IWConnect најавува уникатен музички спектакл кој ќе спои два концептуално различни, но подеднакво возбудливи концерти во една незаборавна вечер. После исклучителните Rock Symphony, Pop Symphony, Electro Symphony, магичната Stars Symphony и спектакуларниот MTV The Greatest Hits, доаѓа нешто ново. На 09.12.2024 во Центарот за култура Битола, со почеток во 19:30 часот, ќе имате можност да бидете дел од музичко искуство што не се пропушта, насловено, BAD SYMPHONY vs DISCOPOLIS.
Со Bad Symphony ќе се потсетиме на песните од Prodigy, Rammstein, Depeche Mode и многу други, кои рушат рекорди во гледаност до ден денес, во изведба на извонредната Јасна Димитровска, вокалот на Backdoor Band – Жарко Јакимовски и битбоксерот Огнен Димовски. А, Discopolis ќе ги размрда вашите сетила и ќе ве натера да играте заедно со Sarah Mace & the Girlzz, во ритамот на Girls just want to have fun, Can’t stop the feeling, Toxic. Ова ќе биде незаборавна вечер на контрасти и хармонија, патување низ два светови, две музички енергии, две искуства што се надополнуваат и докажуваат дека во музиката не постојат граници, таа е универзалниот јазик на светот кој спојува.
Подгответе се за вечер исполнета со музика, страст и енергија што долго ќе ја паметите. BAD SYMPHONY vs DISCOPOLIS – не пропуштајте да бидете дел од едно неверојатно музичко патување! Билетите се веќе пуштени во продажба и истите може да се набават на https://yournextevent.info/event.php?id=106. Билетот важи за двата концерти.
