Оваа сабота, Битола ја слави пролетта на еден посебен начин. Просторот на BLISS mall ќе се претвори во Cosmic Easterland – креативен велигденски универзум во кој децата ќе создаваат уметност, а возрасните спомени. Боички, цветови, радост, изработки направени од децата од градинките како велигденски подароци – сè со една заедничка цел:
да собереме средства за нови креветчиња за битолските градинки.
„За нас, секое ново креветче значи повеќе удобност, повеќе безбедност и повеќе топлина за децата што секојдневно ни го разубавуваат денот со својата насмевка. Благодарни сме што постојат луѓе и иницијативи како Cosmic Easterland – кои со срце цртаат подобро утре за најмалите,“ – изјавуваат од битолските градинки.
“Придружи ни се. Дојди со своето дете, својот пријател, своето срце.
YOU. ME. COSMIC EASTERLAND.
Ова е пролетта што ја цртаме заедно.” – истакнуваат организаторите.
ЦРТАМЕ ПРОЛЕТ, ДАРУВАМЕ СО СРЦЕ На 12 април, BLISS станува Cosmic Easterland – дојди да создадеме спомени и да направиме добро дело
