Во среда 09.04.2025 год. во просториите на КИЦ – Офицерски Дом – Битола, Државното музичко училиште, организира ХУМАНИТАРЕН КОНЦЕРТ „ДМУ за Кочани“.
„Повелете за заедно да ја покажеме нашата солидарност кон фамилиите на настраданите и преку музика да ги искажеме нашите емоции и чувства“, стои во соопштението. На концертот ќе настапат учениците од средното музичко училиште, за да го овековечат споменот за нивните другарчиња и сите настрадани кои ги изгубија животите во трагедијата.
Програмите на училиштето се реализираат под мотото „ДМУ Бренд за музика“. Државното музичко училиште во Битола постои 78 години. Стотици врвни пијанисти поминале низ клупите на ова училиште. Од ова училиште потекнуваат бројни звучни имиња во светот на музиката.Хуманитарниот концерт ќе биде со почеток од 19 часот.
