Започнаа „Деновите на италијанскиот дизајн” во Скопје, кои се спој на италијанскиот дизајн и одржливост. И овој март, сведоци сме на модната револуција која Скопје го става на глобалната мапа на одржлива мода, благодарение на Моден Викенд Скопје, кој по 28 пат е доказ и за трајното наследство, но и на иновативната иднина на модата. Под покровителство на Амбасадата на Република Италија во Скопје, ITA – Италијанската трговска агенција, East Gate Mall и визионерскиот Моден Викенд Скопје, овој настан го надминува конвенционалното – тоа е наратив, дијалог меѓу културите и поттикнувач на иновациите.
Од свеченото отворање , во East Gate Mall, каде што италијанскиот етос на дизајнот се сретна со современата одржливост, под мотото „Создавање вредност: инклузивност, иновации и одржливост“, зборовите на неговата екселенција Андреа Силвестри-амбасадор на Италија во Скопје го потврдија фактот за безвременската филозофија на концептот Made in Italy. 
„Во Италија, дизајнот не е само индустрија, тој е одраз на нашиот културен етос, каде што убавината и софистицираноста беспрекорно се спојуваат со иновациите и одржливоста. Нашата посветеност на дизајнот е патување кон создавање предмети кои не само што се естетски привлечни, туку се проткаени со материјална вредност – изработени преку процеси кои го почитуваат нашето наследство додека ја прифаќаме иднината. Италија, со својата водечка позиција во светот на дизајнот, ги прикажува производите што ја отелотворуваат душата на занаетчиството и напредниот марш на иновациите”.
Потоа следуваа ревиите на City Fashion, Twinset, Patrizia Pepe, XYZ, Erreá Republic, Fashion&Friends, Benetton, Sisley, Dioptra Optics, Prima Optics и Chapter 3. Тие го открија најновото од врвните италијански брендови, остварувајќи ја целта да се спои традиционалната италијанска мода со современите трендови и одржливите практики, поставувајќи нов репер за индустријата.
На големото отворање, претходеше и официјалниот старт на поп-ап локацијата Ready, Steady, Shop! посветена на “бавната мода” како простор за излагање на македонските модни брендови и можности за нивно вмрежување. Па така, во центарот на вниманието до крај на март, силно ќе светат дизајнерите и брендовите кои учествуваат, секој придонесувајќи со својот уникатен наратив за оваа голема приказна на 28-то издание на Моден Викенд Скопје.
Од поетските интерпретации на Росица Мршиќ, преку дизајните на Bastet Noir, Ирина Тошева, Crius, Terziya, Радмила Георгиева, Магдалена Таневска и Мирјана Јосифовска до колекцијата „Наследство“ на Еснаф која ја испреплетува македонската традиција со современиот шмек, оваа локација ветува разновиден приказ на стил, иновации и традиција, а целосно посветен на бавната мода.
East Gate Mall е домаќин на деновите на италијански дизајн години наназад и е локација на 28 издание на модниот викенд. Сите настани се дизајнирани да поттикнат подлабока врска помеѓу заедницата и принципите на одржливо живеење преку модата и дизјанот. Настанот ќе кулминира на крајот на март со домашни дизајнери кои ќе ги покажат своите креации, истакнувајќи ја моќта и креативноста на локалните модни сили.
Овој настан ја нагласува тековната посветеност на FWSK28 за поттикнување на позитивна и одржлива модна индустрија. Големото финале е закажано за 30-ти март, со Bridal Fashion Night, ветувајќи ексклузивен избор на невестински колекции. Серијата настани ја потврдува доминантната позиција на Скопје како растечки центар за одржлива мода и дизајн во овој дел од светот, благодарејќи на Моден Викенд Скопје истовремено истакнувајќи ја заедничката глобална одговорност кон одржливоста.
Соработката меѓу италијанските и македонските културни сили означува значаен чекор кон интегрирање на еколошките практики во рамките на меѓународниот дизајн и модата. Моден Викенд Скопје FWSK продолжува да биде во првите редови на прoмовирање на иновативна и етичка мода. Со историја која опфаќа повеќе од една деценија, FWSK е посветен на поттикнување на модната индустрија која ги почитува и луѓето и планетата. 28 изадние на овој култен настан кој ја слави модата и дизајнот е подготвено да започне. Овој сет од настани е поддржан од пријателите на FWSK28: Kiko Milano и Alfaparf Milano Professional во соработка со учениците од СУГС “Димитар Влахов”, Martimex и Versace, Ferrari Trento. Проектни партнери се IQOS, Perwoll Renew, MINT FinTech Group, MATCH super food, Obuca Metro, MG ART, и Аманти паста.
Видео: Благоја Ангеловски, Доан Акити, Виктор Стојков. Фото: Фото Гјоргиј Ристоски, Горан Бошковски
Финалното видео можете да го погледнете овде:
