Во недела на 23.02, во Кочани ќе се одржи промоцијата на книгата „НУЛТА ТОЧКА“ , од авторката на „Ти не си тој“ , Анита Петрова, а во рамките на Издавачката куќа Збор . НУЛТА ТОЧКА е роман за нови почетоци , љубов и самооткривање . По години борба со анксиозноста и низата несреќи што и го рушат животот во краток период, Лили верува дека нема повеќе сила да продолжи. Но, токму тогаш нејзиното семејство и подарува нешто неочекувано -патување во Тенерифе и семинар што ветува промена. Дали ова патување ќе и помогне да ја надмине својата најголема болка и ќе се соочи со тајната што долго ја крие ? Дали повторно ќе се вљуби во животот ? Овој роман не е само приказна за љубов и нов почеток, туку и за вистинските животни искуства што не учат да се справиме со стравовите, да ја победиме анксиозноста и да најдеме смисла дури и по најголемите падови. Низ приказната авторот суптилно внесува и доза психолошки совети што можат секого да го инспирираат да тргне по патот на промена. НУЛТА ТОЧКА е повеќе од роман -тоа е водич за оние што сакаат повторно да се пронајдат себеси !
Промоција на книгата НУЛТА ТОЧКА викендов во Кочани
