Директорката на НУУБ „Св. Климент Охридски“ – Битола, м-р Емилија Стефановска Давкова им подели енциклопедии и ваучери за бесплатно членство во Битолската библиотека на учениците Емрулах Емруловски, Давор Ванчовски и Марко Пердуловски, како признание за нивната хуманост . 
Хуманоста е вкоренета во животот на детето преку лични искуства и примерот на возрасните. Овие ученици покажаа вистинска добрина кога на улица му пружија помош на беспомошно лице. Овој чин на сочувство е потврда за вредностите кои се учат и негуваат во нашето општество. Нивниот пример ни покажува дека малите дела на добрина можат да имаат големо влијание на заедницата. 
„Се заблагодаруваме и на ЈЗУ Здравствен дом „Д-р Хаим Абраванел“ – Битола за насоките и поддршката кои им ја дадоа на децата, помагајќи им да знаат како да постапат во такви ситуации. Учиме од најмладите! Нивната хуманост не познава граници!“, истакнаа од ОУ “Даме Груев” – Битола.
Наградени хуманите ученици Емрулах, Давор и Марко од страна на Битолската библиотека
