По повод 24. Мај, Денот на светите браќа Кирил и Методиј, во ходникот на Битолската библиотека е поставена тематска изложба посветена на животот, делото и непресметливото влијание на овие великани на словенската писменост и култура.
Преку внимателно селектирани фотографии, илустрации, факсимили од ракописи и информативни текстови, изложбата нè води низ нивниот животен и духовен пат – од родниот Солун, преку Моравија и Панонија – каде ја остваруваат својата света мисија: да им подарат писмо, слово и духовна светлина на словенските народи. Изложбата е особено вредна за младите посетители, кои преку визуелен, јасен и инспиративен пристап, можат подобро да го разберат значењето на писменоста, јазикот и културниот идентитет.
Изложба во Битола во чест на 24.мај, Денот на браќата Кирил и Методиј
