По повод Интернационалниот ден на Ромите – 8 април, во рамките на проектот „Театарска претстава за здрави одлуки – Превенција на зависности“, ќе биде одржан настанот „Здрава заедница е силна заедница – време е да зборуваме отворено за менталното здравје и зависностите“. Настанот ќе се одржи на 7.април, 2025 во понеделник, со почеток од 12:00 часот во Europe House Битола.
Програмата опфаќа: видео пораки од експерти, панел дискусија со вклучени организации и професионалци, потпишување на заедничка изјава за поддршка, промоција на годишна кампања за ментално здравје и превенција. Настанот е во организација на здружението за развој на ромската заедница „Сумнал“.
„Ве охрабруваме да присуствувате и/или да испратите претставник од Вашата организација. Вашето учество и глас се важни во создавање поинклузивна и здрава средина за младите. Љубезно Ве молиме да го потврдите Вашето присуство на оваа е-пошта, по можност најдоцна до крајот на неделата“, истакнуваат од здружението.
Мејл адреса: sumnalb@yahoo.com
