Полека, но сигурно, дојде времето кога Битола оживува во најубавата зимска приказна. Веќе започнаа подготовките за новата Бадникова Поворка. Вредни мали рачиња создаваа магија од едно парче хартија, исполнувајќи го просторот со насмевки и креативна енергија.
„Со нетрпение ги очекуваме и на следните проби, каде што заедно ќе продолжиме да создаваме уште поубави моменти“, истакнаа организаторите.
Оваа Поворка стана симбол на љубов, единство и вера. Новиот слоган за оваа година е
„Со Божиќната радост, срца да стоплиме“, слоган што шири љубов до секое срце. Битола и годинава ќе ја има својата Бадникова Поворка, со која ќе се најави Христовото Раѓање.
Започнаа пробите за новата Бадникова Поворка во Битола
