На покана на ChinaSPAF 2024 и Network of Silk Road Arts Festivals Џез Фабрика Фестивалот Битола е единствениот фестивал кој ќе ја претставува Македонија во рамките на оваа значајна меѓународна конференција на Арт фестивали која се одржува во Шангај Кина. Во рамките на конференцијата видео презентација за фестивалот и Општина Битола ќе реализира директорот на ЏФФ проф. м-р Сашо Поповски и ќе ги запознае присутните – повеќе од седумстотини делегати, со формата, моделот и реализацијата на фестивалот како и можностите за културна соработка на Општина Битола со останатите фестивали – градови претставувани од делегатите учесници на конференцијата.
Едни од најзвучните имиња кои ќе бидат претставени на конференцијата се: Линколн центар УСА, Кенеди центар УСА, БОЖАР Белгија, Делхи интернационален арт фестивал Индија, Преформинг арт митинг Јокохама Јапонија, Националниот театар на Панама, Зимен интернационален фестивал Сочи Русија, ИТХРА Саудиска Арабија, Единбург интернационален фестивал УК и др. Комплетната листа на делегати и фестивали можете да ја најдете на следниот линк:
https://my.31huiyi.com/site/pages/index/index?pageId=90f0311d-24d1-4a02-8c71-29b2a3e90142
Саемот за изведувачки уметности на меѓународниот фестивал во Кина Шангај (ChinaSPAF) се одржува секоја година за време на неделата на отворањето на фестивалот. Како најголем пазар за размена на изведувачки уметности во азиско-пацифичкиот регион, тој кани уметнички групи, уметнички институции и многу уметници од целиот свет да се собираат заедно секоја година во октомври. Во изминатите неколку години, ChinaSPAF продолжи да се шири како професионална платформа за меѓународна културна размена, обезбедувајќи лидерство во развојот на нови соработки. Има изградено платформа за домашни и меѓународни уметници, групи за изведувачки уметности, театри и агенции за размена и прикажување, соработка и преговарање, олеснувајќи го влезот на повеќе меѓународна уметничка извонредност на кинескиот пазар и лансирање голем број извонредни домашни дела на глобалната сцена. Вкупно 42 извонредни кинески оригинални продукции патувале во 29 земји и региони како резултат на присуството.
ChinaSPAF 2024 ќе трае од 18. до 21. октомври во Центарот за изведувачки уметности BOCOM NEW BUND 31.
